Leys størv

Brennir tú fyri mentan, trivnaði og góðum upplivingum? Dugir tú at gera hugskot til veruleika? Vága kommuna søkir eftir mentanarsamskipara í farloyvisstarv.

Vit leita eftir einum eldhugaðum og vælskipaðum mentanarsamskipara, sum vil vera við til at menna mentanar- og trivnaðarvirksemið í Vága kommunu. Sum mentanarsamskipari verður tú ein týðandi partur av arbeiðinum at skapa, samskipa og miðla mentanarlig tiltøk og trivnaðarfremjandi átøk.

Arbeiðsuppgávur:

• hugskotsmenning og menning av mentanarátøkum
• fyriskipan og samskipan av tiltøkum
• ábyrgd fyri og stýring av mentanarárshjólinum
• samskifti og samstarv við borgarar, feløg, fyriskiparar og aðrar viðkomandi partar
• miðlan av tiltøkum og virksemi til borgarar
• at samskipa átøk sum Undurfagri mai og fjølmentanarvikuna
• aðrar umsitingarligar uppgávur innan trivnaðar- og mentanarøkið eftir tørvi

Vit leita eftir tær, sum:

• brennir fyri mentan og trivnaði
• dugir at gera hugskot til veruleika
• ert vælskipað/ur og arbeiðir skipað fram í tíð
• hevur gott eyga fyri smálutum og samstundis dugir at hugsa langsiktað
• tekur ábyrgd fyri uppgávum og tiltøkum
• trívist í einum starvi við nógvum samskifti og samstarvi
• hevur áhuga fyri menning og strategiskum arbeiði innan trivnaðar- og  mentanarøkinum
• dugir at arbeiða bæði sjálvstøðugt og saman við øðrum

Førleikakrøv:

• hevur viðkomandi útbúgving
• ert væl fyri í føroyskum, norðurlendskum máli og enskum, bæði í skrift og talu
• hevur politiskt tev og skil fyri at arbeiða í einari politiskt stýrdari skipan
• hevur royndir innan ráðgeving og samskipan, helst á mentanar- og trivnaðarøkinum
• hevur góðar telduførleikar

Royndir frá almennari fyrisiting kann vera ein fyrimunur, men ikki eitt krav.

Vit bjóða:

Vit bjóða eitt spennandi og fjølbroytt starv, har tú fært møguleika at arbeiða við fólki, hugskotum og verkætlanum, sum hava týdning fyri trivnaðin og mentanarliga lívið í kommununi. Tú verður partur av einari jaligari umsiting við góðum møguleikum fyri bæði fakligari og persónligari menning.

Um starvið:

Starvið er skipað undir trivnaðardeildini. Talan er um eitt hálvtíðarstarv, sum er tíðaravmarkað til 30. juni 2027. Arbeiðstíðirnar kunnu vera skiftandi í sambandi við tiltøk og virksemi. Løn og setanartreytir sambært sáttmala millum Kommunala Arbeiðsgevarafelagið og avvarandi yrkisfelag.

Starvið verður sett skjótast gjørligt.

Umsókn og nærri upplýsingar:

Søk starvið við at trýsta á „Søk nú“. Umsóknin skal vera Vága kommunu í hendi í seinasta lagi týsdagin 29. september 2026.

Nærri upplýsingar um starvið fáast við at venda sær til Dortheu Højgaard Dam, trivnaðarleiðara, telefon 79 44 45.

Hevur tú hug at vera við til at skapa mentan, trivnað og góðar upplivingar í Vága kommunu? So vilja vit fegin hoyra frá tær.

Vága kommuna søkir eftir einum arbeiðsfólki til vegadeildina og tekniska økið hjá kommununi. Talan er um eitt tímalønt fulltíðarstarv við starvsbyrjan skjótast tilber.

Arbeiðsuppgávur

Arbeiðsuppgávurnar eru fjølbroyttar og fevna millum annað um lendis- og leiðingsarbeiði, viðlíkahald av vegum o.l., umframt annað fyrifallandi arbeiði hjá kommununi.

Hevur tú koyrikort til bólk C og førleikar at koyra stórar maskinur, er tað ein fyrimunur. Tú kanst tá eisini gerast partur av kavaruddingartoyminum. Møguleiki er fyri upplæring sum maskinførari.

Vit vænta, at tú

• ert røkin, álítandi og arbeiðssom/-samur

• hevur góð samstarvsevni

• dugir at arbeiða bæði sjálvstøðugt og saman við øðrum

• ert sinnað/ur at arbeiða skiftandi arbeiðstíðir, tá ið tað er neyðugt

Vit bjóða tær

• góð og skipað arbeiðsviðurskifti

• nútímans amboð og útgerð

• fjølbroyttar arbeiðsuppgávur

• møguleika fyri upplæring og menning

Løn og setanarviðurskifti

Lønar- og setanarviðurskifti verða sambært sáttmála millum Føroya Arbeiðsgevarafelag og Føroya Arbeiðarafelag. Setanarstaðurin er Vága kommuna, og tann, sum verður settur, má tola broytingar í arbeiðsuppgávunum.

Starvið verður sett skjótast gjørligt, men Vága kommuna bíðar fegin eftir rætta umsøkjaranum.

Umsókn

Søk starvið við at trýsta á „Søk nú“. Umsóknin skal vera Vága kommunu í hendi í seinasta lagi týsdagin 22. september 2026. Nærri upplýsingar um starvið fáast við at venda sær til Rógva Jacobsen, á telefon 79 44 05.

Vága kommuna søkir eftir húsavørði til húsavarðartænastuna. Talan er um eitt fulltíðarstarv við starvsbyrjan skjótast til ber.

Arbeiðsuppgávur

Sum húsavørður kemur tú at hava fjøltáttaðar uppgávur í sambandi við rakstur og viðlíkahald av ognum hjá Vága kommunu.

Arbeiðsuppgávurnar fevna millum annað um:

• umsjón og dagligan rakstur av kommunalum bygningum

• viðlíkahald og smærri ábøtur

• røkt av økjunum kring bygningarnar

• eftirlit við bygningum og tekniskum skipanum

• samstarv við starvsfólk, veitarar og onnur, sum nýta bygningarnar

Tá tørvur er á tí, kann húsavørðurin eisini verða biðin um at hjálpa til við øðrum uppgávum á tekniska økinum hjá kommununi.

Vit vænta, at tú

• ert handverkari ella hevur viðkomandi praktiskar royndir og gott handalag

• ert røkin og vælskipað/ur í arbeiðinum

• dugir sjálv/ur at síggja, hvar ábøtur krevjast, og tekur stig til at fáa arbeiðið gjørt

• dugir at loysa trupulleikar og arbeiða sjálvstøðugt

• ert fyrikomandi og dugir væl at samstarva við starvsfólk, borgarar og onnur

• ert sinnað/ur at átaka tær ymiskar uppgávur, tá tørvur er á tí

Setanarviðurskifti

Starvið er fulltíðarstarv við starvsbyrjan skjótast til ber. Húsavørðurin verður partur av húsavarðartænastuni, sum er skipað undir Teknisku deild.

Arbeiðsuppgávurnar kunnu broytast í samsvari við tørvin hjá kommununi.

Lønar- og setanarviðurskifti eru sambært sáttmála millum Kommunala Arbeiðsgevarafelagið og Føroya Handverkarafelag/Landsfelag Handverkaranna ella Kommunala Arbeiðsgevarafelagið og Starvsfelagið.

Umsókn

Søk starvið við at trýsta á „Søk nú“. Umsóknin skal vera Vága kommunu í hendi í seinasta lagi týsdagin 22. september 2026.

Nærri upplýsingar um starvið fáast við at venda sær til Rógva Jacobsen, tekniskan leiðara, á telefon 794405.

Virkishúsið við Ánna er eitt livandi, skapandi og fjølbroytt frítíðartilboð fyri børn og ung – ein frístaður, har nærvera, álit og góð sambond eru í miðdeplinum. Við felagsskapi, virksemi og nærverandi vaksnum skapa vit góðar karmar fyri trivnaði, menning og lívsgleði.

Hjá okkum er altíð okkurt á skránni. Virkishúsið er opið gerandisdagar, um kvøldið og leygarkvøld, og vit bjóða eina fjølbroytta viftu av verkstovum, tiltøkum og virksemi fyri børn og ung frá 3. flokki til 18 ár.

Nú søkja vit eftir tveimum starvsfólkum til serøkið í Virkishúsinum. Á serøkinum arbeiða vit við børnum og ungum, sum hava tørv á eyka stuðli og tillagingum. Endamálið er at skapa tryggar og inkluderandi karmar, har børn og ung kunnu vera við í felagsskapinum á egnum fortreytum. Vit taka støði í styrkjunum hjá hvørjum einstøkum og arbeiða fyri, at øll fáa møguleika at luttaka, trívast og mennast.

Vit leita eftir fólki, sum hava viðkomandi útbúgving, eru undir útbúgving ella hava áhuga og hug at arbeiða við børnum og ungum, sum hava tørv á eyka stuðli.

Talan er um tvey tíðaravmarkað størv á 25–30 tímar um vikuna fram til miðjan juli 2027. Arbeiðstíðirnar eru skiftandi og fevna um seinnapartar, kvøld og vikuskifti.

Starvið

Sum starvsfólk á serøkinum ert tú ein virkin partur av gerandisdegnum í Virkishúsinum. Tú stuðlar børnum og ungum í at vera við í virkseminum og felagsskapinum og arbeiðir við at skapa tryggar, greiðar og inkluderandi karmar.

Tú lagar virksemið eftir ymiskum førleikum, áhugamálum og tørvi og ert við til at finna loysnir, sum gera luttøku møguliga hjá tí einstaka. Tú verður eisini við til at seta tiltøk og virksemi í gongd og stuðla børnunum og teimum ungu í teirra áhugamálum og hugskotum.

Tín persónligheit og tínir eginleikar hava stóran týdning. Viðkomandi útbúgving og royndir eru ein fyrimunur, men ikki ein treyt. Tað avgerandi er, at tú hevur hug og førleikar at arbeiða við børnum og ungum, sum hava tørv á eyka stuðli, og ert sinnað/ur at læra og menna teg í starvinum.

Tað hevur týdning fyri okkum, at tú:

• brennir fyri at arbeiða við børnum og ungum

• dugir at skapa tryggleika, álit og góð sambond

• sært møguleikarnar og styrkirnar hjá hvørjum einstøkum barni

• hevur tol og dugir at møta børnum og ungum við virðing og umsorgan

• dugir at laga virksemið, so øll fáa møguleika at vera við

• hevur hug og førleikar at arbeiða inkluderandi og dugir at laga virksemið, so børn og ung við ymiskum fortreytum kunnu vera virkin í felagsskapinum

• ert innbjóðandi, fyrikomandi og forvitin í tínum samskifti

• dugir at taka stig til virksemi og samstundis geva rúm fyri hugskotunum hjá børnunum og teimum ungu

• torir at taka ábyrgd og hevur ein natúrligan myndugleika

• dugir at samstarva við starvsfelagar, foreldur og onnur, sum eru um børnini og tey ungu

Vit bjóða tær

Vit bjóða tær eitt spennandi, fjølbroytt og gevandi starv, har eingin dagur er eins. Tú fært møguleika at seta tín dám á innihaldið í Virkishúsinum og vera við til at skapa tryggar og inkluderandi karmar, har børn og ung kunnu luttaka, trívast og mennast á egnum fortreytum.

Arbeiðsmentanin í Virkishúsinum er eyðkend av nærveru, opinleika og góðum samstarvi. Vit leggja dent á ein gerandisdag, har starvsfólk taka felags ábyrgd, stuðla hvørjum øðrum og skapa eina arbeiðsgongd, har fakligheit, fleksibilitetur og virðing fyri tí einstaka ganga hond í hond.

Tú fært góðar møguleikar at menna teg bæði fakliga og persónliga í starvinum. Vit leggja dent á eina lærandi arbeiðsmentan, har tú fært stuðul frá starvsfeløgum og leiðslu, og har vit saman menna okkara arbeiðshættir, so vit kunnu skapa bestu karmarnar fyri børnini og tey ungu.

Løn og setanartreytir

Setanarstaðurin er í Vága kommunu, og tann setti má tola, at broytingar kunnu koma fyri í starvinum.

Setanar- og lønarviðurskiftini eru sambært galdandi sáttmála millum Kommunala Arbeiðsgevarafelagið og Føroya Pedagogfelag.

Sambært § 2 í barnaváttanarlógini hevur Vága kommuna skyldu til at fáa barnaváttan til vega, áðrenn umsøkjari verður settur í starv.

Umsókn og nærri upplýsingar

Umsókn við prógvi, lívssøgu (CV) og møguligum viðmælum skal sendast í seinasta lagi hósdagin 3. september við at trýsta á SØK NÚ-knøttin.

Ynskir tú meira kunning um størvini, kanst tú seta teg í samband við Margaret L. Kjelnæs, leiðara, á telefon 79 44 61.

Størvini verða sett skjótast gjørligt ella eftir nærri avtalu. 

Vága kommuna søkir námsfrøðingar til spennandi og fjølbroytt størv í frítíðarskúlanum Smílikulluni.

Talan er um tvey føst størv á 20–30 tímar um vikuna og eitt tíðaravmarkað starv á 30 tímar um vikuna, sum endar 31. desember 2026. Tímarnir kunnu tillagast eftir avtalu.

Størvini verða sett frá 17. august 2026.

Um Smílikulluna

Í Smílikulluni leggja vit stóran dent á frítíðina og frælsi hjá barninum. Børnini eru við til at skapa og skipa sín egna dag, tá skúladagurin er lokin. Í Smílikulluni ganga børn í 1. og 2. flokki.

Smílikullan liggur væl fyri við fjøruna, sandin og viðarlundina. Eisini hava vit fótbóltsvøll og stórt spælipláss tætt við. Hetta gevur góðar møguleikar til spennandi upplivingar, avbjóðingar og virksemi – bæði fyri børn og starvsfólk.

Smílikullan hevur eitt virkið og skapandi umhvørvi, har børnini fáa møguleika at royna seg í ymiskum virksemi, vera nógv úti í náttúruni og skapa góðar relatiónir gjøgnum spæl og felags upplivingar.

Í Smílikulluni bjóða vit náttúru- og evningsverkstað, hondarbeiðsverkstað og uttanduraverkstað. Sum nakað nýtt hava vit eisini eitt træverkstað. Tað er frítt hjá børnunum at luttaka í verkstøðunum.

Vit vænta, at tú:

• leggur dent á gott og týðiligt samskifti við børn, starvsfólk og avvarðandi

• hevur umsorgan fyri børnunum

• hevur góð samstarvsevni og gott yvirlit

• megnar at skipa dagin sjálvstøðugt og saman við starvsfeløgum

• ert íðin, nærløgd/nærlagdur og álítandi

• ert nýhugsandi og ígongdsetandi – bæði sjálvstøðugt og í toymi

• sært møguleikar fram um avmarkingar

Vit leggja dent á:

• eina felags barnafatan, so vit saman kunnu menna trivnaðin hjá barninum

• at skapa rúm og karmar fyri, at børnini kunnu menna sínar sosialu, persónligu og kreativu førleikar

• at børnini uppliva frítíðarskúlan sum eitt gott, trygt og mennandi stað

• at skapa góðar felagsskapir, har tolsemi, virðing, umsorgan og dirvi eru berandi virði

Løn og setanarviðurskifti

Arbeiðstíðin í Smílikulluni er vanliga millum kl. 11.00 og 17.00.

Lønin er sambært sáttmála millum Føroya Pedagogfelag og Kommunala Arbeiðsgevarafelagið.

• Námsfrøðingar verða løntir eftir lønarstiganum 11–24

• Námsfrøðiligir atstøðingar verða løntir eftir lønarstiganum 9–14

• Hjálparfólk verða lønt eftir lønarstiganum 2–8

Um eingin námsfrøðingur søkir starvið, kann hjálparfólk verða sett í tíðaravmarkað starv.

Umsókn

Søk starvið við at klikkja á SØK NÚ knøttin á høgru síðu, og viðheft lívsgongdarlýsing, prógv, barnaváttan og møgulig viðmæli.

Umsóknin skal vera Vága kommunu í hendi í seinasta lagi mánadagin 20. juli 2026.

Meira fæst at vita um størvini við at venda sær til Dinu Splidt, leiðara, á tlf. 79 45 40 ella teldupost dina@vaga.fo.

Hevur tú útbúgving innan sernámsfrøði ella stóran áhuga fyri sernámsfrøðiliga økinum og ynskir tú at arbeiða í einum fakliga sterkum og tvørfakligum umhvørvi, har tú kanst gera ein veruligan mun?

Vit leita eftir tær, sum hevur fakligt hugflog, ert nærverandi í relatiónum og trívist við at arbeiða skipað og málrættað saman við børnum, foreldrum og øðrum fakfólkum.

Serstovan umfatar alt dagstovnaøkið í Vága kommunu og veitir sernámsfrøðiliga fakligheit og stuðul til børn við ymiskum tørvi. Hjá okkum verður tú partur av einum arbeiðsplássi, har fakligheit, reflektión og samstarv eru grundarlagið undir øllum okkara arbeiði.

Um starvið

Á serstovuni arbeiða vit út frá tí sannføring, at øll børn hava rætt til eitt mennandi og inkluderandi umhvørvi, har tey verða møtt við virðing, nærveru og fakligari vitan.

Arbeiðið byggir á fakligar metingar, skipaðar virkisætlanir og greið menningarmál fyri einstaka barnið. Vit leggja dent á eina fyribyrgjandi og styrkjandi tilgongd, har relatiónir, strukturur og tætt samstarv eru lykilin til góða menning.

Tú verður partur av einum tvørfakligum samstarvi við leiðslu, foreldur og aðrar fakbólkar, har tit í felag finna bestu loysnirnar fyri einstaka barnið.

Vit leggja dent á

• at byggja sterkar ella tryggar? relatiónir

• at skapa skipað læringsumhvørvi

• at arbeiða málrættað við menning hjá einstaka barninum

• at styrkja samskifti, luttøku, sjálvbjargni og sosialar førleikar

• at arbeiða fyribyrgjandi og inkluderandi

• at samstarva tætt við foreldur og tvørfakligar samstarvspartar

Faklig menning

Miðgarður er ein lærandi stovnur, har vit støðugt arbeiða við at menna okkara námsfrøðiligu praksis.

Vit leggja stóran dent á fakliga reflektión, sparring og felagsførleikamenning. Tú fært møguleika at verða partur av einum arbeiðsplássi, har vit læra hvør av øðrum, deila vitan og støðugt menna okkara fakligu førleikar.

Vit vænta, at tú

• ert útbúgvin námsfrøðingur

• hevur áhuga fyri ella royndir innan sernámsfrøðiliga økið

• dugir at arbeiða skipað við málum, og virkisætlanum

• ert nærverandi og dugir at skapa tryggar relatiónir

• hevur góð samstarvs- og samskiftisevni

• megnar at arbeiða bæði sjálvstøðugt og í tvørfakligum samstarvi

• ynskir at menna teg fakliga og vera við til at menna sernámsfrøðiliga arbeiðið í Vága kommunu

Vit bjóða

• eitt fakliga spennandi og mennandi starv

• eitt arbeiðspláss við høgum námsfrøðiligum ambitiónum

• góða innleiðslu og regluliga fakliga sparring

• tætt tvørfakligt samstarv

• góðar møguleikar fyri førleikamenning

• starvsfelagar, sum leggja dent á fakligheit, samstarv og trivnað

Løn og setanarviðurskifti

Arbeiðstíðin er vanliga millum kl. 7.15 og 16.30. Løn verður veitt sambært sáttmála millum Føroya Pedagogfelag og Kommunala Arbeiðsgevarafelagið. Starvið verður sett frá 10. august 2026 ella eftir nærri avtalu.

Vit søkja fyrst og fremst eftir útbúgvnum námsfrøðingi. Um eingin námsfrøðingur søkir, kunnu umsøkjarar við aðrari viðkomandi útbúgving og royndum innan sernámsfrøðiliga økið eisini koma í meting.

Sambært § 2 í barnaváttanarlógini hevur Vága kommuna skyldu til at fáa barnaváttan til vega, áðrenn umsøkjari verður settur í starv.

Meiri fæst at vita við at venda sær til leiðaran, Majbritt Poulsen, á tlf. 794510 ella við at vitja www.midgardur.fo og www.vaga.fo.

Umsókn

Søk starvið við at trýsta á "Søk nú-knøttin". Umsóknin skal vera okkum í hendi í seinasta lagi mikudagin 8. juli 2026.

Virkishúsið við Ánna er eitt livandi, skapandi og fjølbroytt klubhús fyri børn og ung – ein frístaður, har nærvera, álit og góð sambond eru í miðdeplinum. Við felagsskapi, virksemi og nærverandi vaksnum arbeiða vit fyribyrgjandi og skapa góðar karmar fyri trivnaði, menning og lívsgleði hjá børnum og ungum.

Hjá okkum er altíð okkurt á skránni. Virkishúsið er opið gerandisdagar, um kvøldið og leygarkvøld, og vit bjóða eina fjølbroytta viftu av verkstovum, tiltøkum og aktivitetum fyri børn og ung frá 3. flokki til 18 ár.

Nú søkja vit eftir tveimum kreativum eldsálum, sum vilja vera við til at skapa eitt stað, har børn og ung trívast, mennast og tora at royna nýggjar leiðir.

Talan er um tvey tíðaravmarkað størv á 25–30 tímar um vikuna frá 10. august 2026 til miðjan juli 2027. Arbeiðstíðirnar eru skiftandi og fevna um seinnapartar, kvøld og vikuskifti.

Starvið

Sum starvsfólk verður tú ein virkin partur av gerandisdegnum í Virkishúsinum. Tú verður saman við børnum og ungum, stuðlar teimum í teirra hugskotum, setur tiltøk og aktivitetir í gongd og ert við til at skapa eitt trygt og mennandi umhvørvi, har øll kenna seg vælkomin. Við tíni nærveru og teimum relatiónum, tú byggir upp, verður tú eisini ein týðandi partur av tí fyribyrgjandi arbeiðinum hjá Virkishúsinum.

Tín persónligheit og tínir eginleikar hava minst líka stóran týdning sum tín møguliga útbúgving. Tí seta vit ikki krøv um eina ávísa útbúgving – ymiskar útbúgvingar og lívsroyndir kunnu vera júst tað, vit leita eftir.

Tað hevur týdning fyri okkum, at tú:

• brennir fyri at arbeiða við børnum og ungum og ert tilvitað/ur um at skapa jaligar relatiónir og styrkja sjálvsvirðið hjá teimum.

• ert innbjóðandi, fyrikomandi og forvitin í tínum samskifti við børn og ung.

• dugir bæði at seta stuttlig hugskot og aktivitetir í gongd og at eggja børnum og ungum at brúka sítt egna hugflog.

• tú hevur áhuga fyri fyribyrgjandi arbeiði og ert við til at skapa tryggar relatiónir og góðar felagsskapir fyri børn og ung.

• torir at taka ábyrgd og hevur ein natúrligan myndugleika.

Vit bjóða tær

Vit kunnu bjóða tær eitt spennandi, fjølbroytt og gevandi starv, har eingin dagur er eins. Tú fært møguleika at seta tín dám á innihaldið í Virkishúsinum og vera við til at skapa upplivingar og felagsskapir, sum hava týdning fyri børn og ung.

Løn og setanartreytir

Setanarstaðurin er í Vága kommunu, og tann setti má tola, at broytingar kunnu koma fyri í starvinum.

Setanar- og lønarviðurskiftini eru sambært galdandi sáttmála millum Kommunala Arbeiðsgevarafelagið og Føroya Pedagogfelag.

Sambært § 2 í barnaváttanarlógini hevur Vága kommuna skyldu til at fáa barnaváttan til vega, áðrenn umsøkjari verður settur í starv.

Umsókn og nærri upplýsingar

Umsókn við prógvi, lívssøgu (CV) og møguligum viðmælum skal sendast í seinasta lagi mikudagin 8. juli 2026 við at trýsta á SØK NÚ-knøttin.

Ynskir tú meira kunning um starvið, kanst tú seta teg í samband við Margaret L. Kjelnæs, leiðara, á telefon 79 44 61 ella á telduposti margaret@vaga.fo.

Starvið verður sett 10. august 2026, ella eftir nærri avtalu.

Vága kommuna søkir eftir einum starvsfólki til køkin í Sóljugarð í Sandavági at byrja 10. august 2026. Talan er um eitt 20 tíma starv.

Um Sóljugarð

Sóljugarður er dagstovnur hjá Vága kommunu í Sandavági. Á stovninum eru umleið 80 børn. Børnini hava vanliga matpakka við, men mánadagar fáa tey miðmála frá stovninum. Harumframt verður millummáli bjóðaður hvønn dag.

Vága kommuna arbeiðir eftir einum kostpolitikki, sum hevur til endamáls at stuðla undir trivnað, heilsu og menning hjá børnum. Dentur verður lagdur á heilsugóðan og fjølbroyttan kost, og sum starvsfólk verður tú ein týdningarmikil partur av hesum arbeiði.

Arbeiðsuppgávur

Sum starvsfólk í Sóljugarði fert tú at hava ábyrgd av dagliga rakstrinum av køkinum. Arbeiðið fevnir m.a. um at fyrireika og framleiða millummála til børnini hvønn gerandisdag og miðmála eina ferð um vikuna. Harumframt fert tú at standa fyri innkeypi av mati og øðrum tilfari til køkin, gera matarskrá og tryggja, at mattilboðið er heilsugott, fjølbroytt og í samsvari við kostpolitikkin hjá Vága kommunu.

Tú fert eisini at hava ábyrgd av at halda køkin og tilhoyrandi arbeiðsøki rein og ruddilig, umframt at fyrireika mat til serlig høvi og tiltøk á stovninum.

Vit vænta, at tú

• er útbúgvin føðsluatstøðari ella líknandi

• hevur áhuga fyri kosti, heilsu og góðum matvanum hjá børnum

• sært týdningin av at bjóða heilsugóðan og fjølbroyttan kost

• hevur góð samstarvsevni og dugir at arbeiða sjálvstøðugt

• ert fleksibul/-ur og megnar at laga teg til broytingar í gerandisdegnum

• ert røkin, álítandi og arbeiðssom/-samur

Løn og setanartreytir

Løn og setanartreytir eru sambært galdandi sáttmála millum Kost- og føðslufelagið og Fíggjarmálaráðið.

Sambært §2 í barnaváttanarlógini hevur Vága kommuna skyldu til at fáa barnaváttan til vega, áðrenn umsøkjari verður settur í starv.

Umsókn

Umsókn við prógvi, lívssøgu (CV) og møguligum viðmælum skal sendast í seinasta lagi mánadagin 06. juli 2026 við at trýsta á SØK NÚ-knøttin.

Meira fæst at vita um starvið við at venda sær til Barbaru Joensen, virkandi leiðara, á telefon 794456 ella við telduposti á barbaraj@vaga.fo.

Vága kommuna søkir námsfrøðingar til spennandi og fjølbroytt størv í frítíðarskúlanum Smílikulluni.

Talan er um tvey føst størv á 20–30 tímar um vikuna og eitt tíðaravmarkað starv á 30 tímar um vikuna, sum endar 31. desember 2026. Tímarnir kunnu tillagast eftir avtalu.

Størvini verða sett frá 17. august 2026.

Um Smílikulluna

Í Smílikulluni leggja vit stóran dent á frítíðina og frælsi hjá barninum. Børnini eru við til at skapa og skipa sín egna dag, tá skúladagurin er lokin. Í Smílikulluni ganga børn í 1. og 2. flokki.

Smílikullan liggur væl fyri við fjøruna, sandin og viðarlundina. Eisini hava vit fótbóltsvøll og stórt spælipláss tætt við. Hetta gevur góðar møguleikar til spennandi upplivingar, avbjóðingar og virksemi – bæði fyri børn og starvsfólk.

Smílikullan hevur eitt virkið og skapandi umhvørvi, har børnini fáa møguleika at royna seg í ymiskum virksemi, vera nógv úti í náttúruni og skapa góðar relatiónir gjøgnum spæl og felags upplivingar.

Í Smílikulluni bjóða vit náttúru- og evningsverkstað, hondarbeiðsverkstað og uttanduraverkstað. Sum nakað nýtt hava vit eisini eitt træverkstað. Tað er frítt hjá børnunum at luttaka í verkstøðunum.

Vit vænta, at tú:

• leggur dent á gott og týðiligt samskifti við børn, starvsfólk og avvarðandi

• hevur umsorgan fyri børnunum

• hevur góð samstarvsevni og gott yvirlit

• megnar at skipa dagin sjálvstøðugt og saman við starvsfeløgum

• ert íðin, nærløgd/nærlagdur og álítandi

• ert nýhugsandi og ígongdsetandi – bæði sjálvstøðugt og í toymi

• sært møguleikar fram um avmarkingar

Vit leggja dent á:

• eina felags barnafatan, so vit saman kunnu menna trivnaðin hjá barninum

• at skapa rúm og karmar fyri, at børnini kunnu menna sínar sosialu, persónligu og kreativu førleikar

• at børnini uppliva frítíðarskúlan sum eitt gott, trygt og mennandi stað

• at skapa góðar felagsskapir, har tolsemi, virðing, umsorgan og dirvi eru berandi virði

Løn og setanarviðurskifti

Arbeiðstíðin í Smílikulluni er vanliga millum kl. 11.00 og 17.00.

Lønin er sambært sáttmála millum Føroya Pedagogfelag og Kommunala Arbeiðsgevarafelagið.

• Námsfrøðingar verða løntir eftir lønarstiganum 11–24

• Námsfrøðiligir atstøðingar verða løntir eftir lønarstiganum 9–14

• Hjálparfólk verða lønt eftir lønarstiganum 2–8

Um eingin námsfrøðingur søkir starvið, kann hjálparfólk verða sett í tíðaravmarkað starv.

Umsókn

Søk starvið við at klikkja á SØK NÚ knøttin á høgru síðu, og viðheft lívsgongdarlýsing, prógv, barnaváttan og møgulig viðmæli.

Umsóknin skal vera Vága kommunu í hendi í seinasta lagi mánadagin 29. juni 2026.

Meira fæst at vita um størvini við at venda sær til Dinu Splidt, leiðara, á tlf. 79 45 40 ella teldupost dina@vaga.fo.

Vága kommuna søkir eftir einum starvsfólki við ábyrgd av umhvørvis- og endurvinningarplássinum hjá kommununi. Talan er um eitt hálvtíðarstarv.

Umhvørvisplássið hevur ein týdningarmiklan leiklut í arbeiðinum hjá kommununi við skiljing, endurnýtslu og burðardyggari handfaring av burturkasti. Við hesum starvinum verður tú ein partur av arbeiðinum at skapa góðar karmar fyri, at tilfar verður skilt rætt, meira verður endurnýtt, og at kommunan mennir eina burðardyggari loysn til gagns fyri bæði borgarar og umhvørvi.

Starvið fevnir um dagliga raksturin á umhvørvisplássinum og uppgávur knýttar at móttøku, skiljing, endurvinning og røkt av økinum. Talan er um eitt fjølbroytt starv við ábyrgd og beinleiðis sambandi við borgarar og onnur, sum nýta umhvørvisplássið.

Arbeiðsuppgávur
Arbeiðið fevnir m.a. um at:

• taka ímóti borgarum og vegleiða um rættan skilnað av burturkasti

• hava eftirlit við økinum og tryggja, at tað er ruddiligt og væl skipað

• flyta og handfara ymiskt tilfar og burturkast

• syrgja fyri vanligum røktar- og fyrifallandi arbeiði á plássinum

• samstarva við IRF og teknisku deildina eftir tørvi

Vit vænta, at tú:

• ert røkin og álítandi

• hevur góð samstarvsevnir og dugir væl at samskifta við fólk

• kanst arbeiða sjálvstøðugt og taka ábyrgd

• hevur praktiskan hugburð og ert til reiðar at taka fat

• hevur koyrikort (ein fyrimunur)

Royndir innan líknandi arbeiðsøki eru ein fyrimunur, men ikki ein treyt.

Vit bjóða tær:

• eitt sjálvstøðugt og fjølbroytt starv

• góð og skipaði arbeiðsviðurskifti

• eitt arbeiðspláss við góðum samstarvi og nærum sambandi við borgarar

• upplæring og innleiðslu í arbeiðsuppgávunum

Løn og setanarviðurskifti
Talan er um eitt tímalønt hálvtíðarstarv sambært sáttmála millum Føroya Arbeiðarafelag og Føroya Arbeiðsgevarafelag.

Setanarstaðurin er Vága kommuna. Tann, sum verður sett/ur, má tola, at broytingar kunnu koma fyri í starvinum.

Nærri kunning um starvið fæst við at venda sær til Rógva Jacobsen, tekniska leiðara, á teldupost rogvi@vaga.fo ella telefon 79 44 05.

Soleiðis søkir tú
Søk starvið við at trýsta á SØK NÚ knappin á heimasíðuni hjá Vága kommunu. Viðfest møgulig prógv, lívsgongdarlýsing og viðmæli.

Freist at søkja
Umsóknin skal vera okkum í hendi í seinasta lagi mikudagin 10. juni 2026.

Setanartíð
Starvið verður sett skjótast gjørligt ella eftir nærri avtalu. 

Vit í Miðgarði søkja eftir námsfrøðingum at arbeiða í okkara serstovu, barnagarðsstovum og vøggustovum. Starvið byrjar í august 2026, ella eftir nærri avtalu. Arbeiðstíðin er 30–40 tímar um vikuna. Eisini søkja vit eftir avloysarum at byrja beinavegin.

Um starvið
Miðgarður er ein stovnur í Miðvági við uml. 100 børnum. Vit hava tríggjar vøggustovur, tríggjar barnagarðsstovur, eina stovu til tey 6 ára gomlu børnini og eina serstovu, sum fevnir um alt dagstovnaøkið í Vága kommunu.

Í Miðgarði starvast dugnalig og íðin fólk. Vit eru staðsett í náttúruvøkrum umhvørvi við góðum møguleikum fyri útilívi og námsfrøðiligum virksemi í náttúruni.

Miðgarður er eitt livandi stað, har nærvera og spælandi børn eru ein týdningarmikil partur av námsfrøðiliga arbeiðinum. Sum námsfrøðingur ert tú, saman við starvsfeløgum, við til at tryggja, at námsfrøðiligu karmarnir eru góðir, og at børnini fáa ein innihaldsríkan gerandisdag. Spæl, nærvera, útilív og góður trivnaður eru kjarnuvirðir í okkara arbeiði.

Tú sleppur at leggja gerandisdagin til rættis og at fyrireika og eftirmeta námsfrøðiliga arbeiðið. Arbeiðið verður samskipað saman við øðrum námsfrøðingum, hjálparfólkum og leiðaranum. Eisini verður tú við til at menna, endurskoða og seta tín dám á virksemið.

Okkara styrki er, at vit arbeiða væl saman, eru hjálpsom, forvitin og hava tað stuttligt saman.

Vit leggja dent á:

• Námsfrøði og dygd

• At spælið verður virðismett sum týdningarmesti liður í menning barnsins

• Relatiónsarbeiði

• Gott samstarv við foreldur og aðrar samstarvspartar

• At tey vaksnu eru kveikjandi og virkin saman við børnunum

Vit vænta, at tú:

• Hevur hug og hegni at skapa ein fjølbroyttan og mennandi dag við virðing fyri tí einstaka barninum

• Dugir at samstarva og taka ábyrgd, so vit í felag lyfta námsfrøðiligu uppgávurnar

• Ert fyrikomandi og dugir at samskifta virðiliga við foreldur, starvsfelagar og onnur

Løn og setanartreytir:

Løn er sambært sáttmála millum Føroya Pedagogfelag og Kommunala Arbeiðsgevarafelagið:

• Námsfrøðingar verða løntir á lønarstiganum 11–24

• Námsfrøðiligir atstøðingur stig 9–14

• Hjálparfólk verða lønt á lønarstiganum 2–8

Søk starvið við at trýsta á SØK NÚ knappin á høgru síðu. Viðfest møgulig prógv, lívsgongdarlýsing, revsiváttan og viðmæli, um so er.

Umsóknarfreistin er hósdagin 4. juni 2026.

Nærri kunning fæst við at ringja til Majbritt Poulsen, leiðara, á tlf. 794510 ella við at senda teldupost til majbritt@vaga.fo.

Um eingir námsfrøðingar søkja, verða hjálparfólk sett í fyribils starv.

Námsfrøðingar til Miðgarð.

Miðgarður leitar eftir námsfrøðingum, sum veruliga brenna fyri at arbeiða við børnum og at skapa eitt trygt, mennandi og vinarligt umhvørvi. Hevur áhuga fyri náttúruni og hugsar um, hvussu náttúran og nærvera í gerandisdegnum kunnu verða nýttar sum grundarlag fyri spæl, læring og relatiónum. Ynskir at vera við til at menna eitt umhvørvi, har børn trívast, kenna seg vird, fáa møguleika at mennast bæði sosialt, kensluliga og námsfrøðiliga – í einum gerandisdegi merktum av vinsemi og felagsskapi. So er hetta starvið fyri teg!

Vit søkja eftir námsfrøðingum til vøggustovu og barnagarðstovu í Miðgarði, at byrja 4 mai 2026 ella eftir nærri avtalu.

Starvsøki: Miðgarður er ein stórur og fjølbroyttur dagstovnur mitt í Miðvági. Vit hava 3 vøggustovur, 3 barnagarðstovur, eina stovu til 6 ára gomul og eina serstovu, sum fevnir um alt dagstovnaøkið í Vága kommunu.

Miðgarður er staðsettur í einum vøkrum og livandi náttúruøki, har fjøll, fjøra, viðarlund og áir eru okkara nærmastu grannar. Hetta gevur okkum serstakliga góðar møguleikar at brúka náttúruna sum ein virknan part av okkara námsfrøðiliga arbeiði.

Um starvið: Sum námsfrøðingur í Miðgarði fært tú møguleikan at arbeiða í einum fakliga sterkum og mennandi umhvørvi. Vit síggja okkum sum ein lærandi stovn, ið støðugt arbeiðir við at menna okkara námsfrøðiligu hugsanir og praksis.

Í okkara arbeiði leggja vit stóran dent á at skipa dagligdagin soleiðis, at hann rúmar øllum børnum – heldur enn at børnini skulu tillaga seg skipanini. Grundarlagi undir okkara arbeiði er okkara virkisætlan, okkara relatiónir, og ein barnafatan, ið setur barnið og familjuna í miðdepilin.

Vit eru partur av 3 ára verkætlanini “Saman um barnið – Vitan í verki”, saman við øðrum stovnum og skúlum í Vágum, har vit leggja dent á at brúka nýggjastu vitanina í verki.

Vit vænta, at tú:

·       Ert útbúgvin námsfrøðingur

·       Ert nærverandi og góð/ur til at skapa relatiónir

·       Hevur eina barnaáskoðan, sum samsvarar við okkara virðisgrundarlag

·       Góð samstarvs- og samskiftisevnir og megnar at virka fyri góðum samstarvið millum foreldur, børn og starvsfelagar

·       Ynskir áhaldandi at menna teg fakliga og vera við til at menna stovnin

·       At tú ert før/ur fyri at arbeiða sjálvstøðugt og tekur ábyrgd

Løn og setanarviðurskifti

Arbeiðstíðin er vanliga millum kl. 7:15 til 16:30.

Lønin er sambært sáttmála millum Føroya Pedagogfelag og Kommunala

Arbeiðsgevarafelagið. Námsfrøðingar verða løntir á lønarstiganum 11-24 og hjálparfólk verða lønt á lønarstiganum 2-8.

Ring til leiðaran Majbritt Poulsen á tlf. 794510, ella vitja okkara heimasíður www.midgardur.fo og www.vaga.fo.

Umsókn

Søk starvið við at klikkja á Søk nú á høgru síðu. Umsóknin skal vera okkum í hendi í seinasta lagi 10. apríl 2026.

Um námsfrøðingar ikki søkja, verða hjálparfólk sett í fyribils starv.

– ein týðandi leiðsluleiklutur í einari framfúsnari og fevnandi kommunu

Vága kommuna søkir ein sjónligan, savnandi og fakliga sterkan leiðara at standa á odda fyri Sóljugarði.

Sum leiðari verður tú ein týðandi partur av arbeiðinum at menna Vága kommunu sum eina framfúsna og fevnandi kommunu, har trivnaður, ábyrgd og dygd ganga hond í hond. Okkara børn eru grundarlagið undir framtíðini, og tí hava vit tørv á einum leiðara, sum vil ganga á odda – við fakligari leiðslu, nærveru og dirvi at menna. Tú fært sostatt høvuðsábyrgdina av Sóljugarði við beinleiðis tilvísing til trivnaðarleiðaran í Vága kommunu.

Um Sóljugarð

Sóljugarður er kommunalur dagstovnur í Sandavági við trimum vøggustovum, trimum barnagarðsstovum og einari stovu til tey 6 ára gomlu.

Stovnurin er ein hornasteinur í trivnaðarøkinum hjá kommununi og ein týðandi partur av gerandisdegnum hjá mongum barnafamiljum.

Starvið

Sum leiðari hevur tú heildarábyrgdina av Sóljugarði – fakliga, starvsfólkaliga og fíggjarliga. Tín uppgáva er at skapa greiða leiðslu og ein tryggan og mennandi karm um gerandisdagin, samstundis sum tú tryggjar, at stovnurin mennist í samsvari við visjón og mál hjá kommununi.

Tú skalt megna at sameina gerandisrakstur og menning. At vera nærverandi í gerandisdegnum, men eisini síggja longri fram. At byggja felagsskap og trivna millum starvsfólk, samstarva við foreldur og vera ein greið og álítandi leiðslurødd í samspæli við umsiting og politiska skipan.

Vit leita eftir einum leiðara, sum megnar at síggja heildina – men ongantíð missir barnið úr eygsjón.

Vit bjóða

Eitt sjálvstøðugt og ábyrgarfult starv í einari kommunu, sum hevur greiða visjón og arbeiðir miðvíst við menning. Tú fært veruliga ávirkan – bæði á stovnin og á samlaða trivnaðarøkið í kommununi.

Starvið verður sett frá 1. mai 2026, ella eftir nærri avtalu. Løn sambært sáttmála millum Føroya Pedagogfelag, Fíggjarmálaráðið og Kommunala Arbeiðsgevarafelagið.

Nærri upplýsingar um starvið og setanartilgongd síggjast í leiðaraprofilinum.

Umsókn

Søk starvið við at klikkja á Søk nú á høgru síðu. Umsóknin skal vera okkum í hendi í seinasta lagi sunnudagin 15. mars  2026.

Miðgarður leitar eftir námsfrøðingum, sum veruliga brenna fyri at arbeiða við børnum og at skapa eitt trygt, mennandi og vinarligt umhvørvi. Hevur áhuga fyri náttúruni og hugsar um, hvussu náttúran og nærvera í gerandisdegnum kunnu verða nýttar sum grundarlag fyri spæl, læring og relatiónum. Ynskir at vera við til at menna eitt umhvørvi, har børn trívast, kenna seg vird, fáa møguleika at mennast bæði sosialt, kensluliga og námsfrøðiliga – í einum gerandisdegi merktum av vinsemi og felagsskapi. So er hetta starvið fyri teg!

Vit søkja eftir námsfrøðingum til vøggustovu og serstovuna í Miðgarði, at byrja 20 apríl 2026 ella eftir nærri avtalu.

Starvsøki: Miðgarður er ein stórur og fjølbroyttur dagstovnur mitt í Miðvági. Vit hava 3 vøggustovur, 3 barnagarðstovur, eina stovu til 6 ára gomul og eina serstovu, sum fevnir um alt dagstovnaøkið í Vága kommunu. 

Miðgarður er staðsettur í einum vøkrum og livandi náttúruøki, har fjøll, fjøra, viðarlund og áir eru okkara nærmastu grannar. Hetta gevur okkum serstakliga góðar møguleikar at brúka náttúruna sum ein virknan part av okkara námsfrøðiliga arbeiði. 

Serstovan umfatar alt dagstovnaøkið í Vága kommunu. Arbeiðið á serstovuni er skipað á tann hátt, at øll børn hava eina virkisætlan, sum lýsir hvør námsfrøðilig tilgongd verður nýtt til at skapa eina góða relatión, og hvørji ítøkilig mál arbeitt verður við í eitt avmarkað tíðarskeið. 

Um starvið: Sum námsfrøðingur í Miðgarði fært tú møguleikan at arbeiða í einum fakliga sterkum og mennandi umhvørvi. Vit síggja okkum sum ein lærandi stovn, ið støðugt arbeiðir við at menna okkara námsfrøðiligu hugsanir og praksis. 

Í okkara arbeiði leggja vit stóran dent á at skipa dagligdagin soleiðis, at hann rúmar øllum børnum – heldur enn at børnini skulu tillaga seg skipanini. Grundarlagi undir okkara arbeiði er okkara virkisætlan, okkara relatiónir, og ein barnafatan, ið setur barnið og familjuna í miðdepilin. 

Vit eru partur av 3 ára verkætlanini “Saman um barnið – Vitan í verki”, saman við øðrum stovnum og skúlum í Vágum, har vit leggja dent á at brúka nýggjastu vitanina í verki. 

Vit vænta, at tú:

• Ert útbúgvin námsfrøðingur

• Ert nærverandi og góð/ur til at skapa relatiónir

• Hevur eina barnaáskoðan, sum samsvarar við okkara virðisgrundarlag

• Góð samstarvs- og samskiftisevnir og megnar at virka fyri góðum samstarvið millum foreldur, børn og starvsfelagar

• Ynskir áhaldandi at menna teg fakliga og vera við til at menna stovnin

• At tú ert før/ur fyri at arbeiða sjálvstøðugt og tekur ábyrgd

Løn og setanarviðurskifti

Arbeiðstíðin er vanliga millum kl. 7:15 til 16:30.

Lønin er sambært sáttmála millum Føroya Pedagogfelag og Kommunala

Arbeiðsgevarafelagið. Námsfrøðingar verða løntir á lønarstiganum 11-24 og hjálparfólk verða lønt á lønarstiganum 2-8

Ring til leiðaran Majbritt Poulsen á tlf. 794510, ella vitja okkara heimasíður www.midgardur.fo og www.vaga.fo.

Umsókn

Søk starvið við at klikkja á Søk nú á høgru síðu. Umsóknin skal vera okkum í hendi í seinasta lagi mikudagin 4. mars  2026.

Um námsfrøðingar ikki søkja, verða hjálparfólk sett í fyribils starv.

Miðgarður søkir eftir námsfrøðingum til setan skjótast gjørligt ella eftir nærri avtalu.
Harumframt søkja vit eisini eftir avloysarum at byrja beinanvegin.

Um teg

Vit leita eftir námsfrøðingum, sum:

• hava serligan áhuga fyri náttúruni og síggja møguleikar í at nýta náttúruna og nærveru í gerandisdegnum sum grundarlag fyri spæl, læring og relatiónir.

• ynskja at vera við til at menna eitt tryggt og stimbrandi umhvørvi, har børn trívast, kenna seg vird og fáa møguleika at mennast sosialt, kensluliga og námsfrøðiliga, í einum gerandisdegi merktum av vinsemi og felagsskapi.

Um Miðgarð                                                                                                            Miðgarður er ein stórur og fjølbroyttur dagstovnur mitt í Miðvági, staðsettur í einum vøkrum og livandi náttúruøki. Fjøll, fjøra, viðarlund og áir eru okkara nærmastu grannar og geva okkum serstakliga góðar møguleikar at brúka náttúruna sum ein virknan og natúrligan part av okkara námsfrøðiliga arbeiði.

Dagstovnurin fevnir um:

• 3 vøggustovur

• 3 barnagarðstovur

• 1 stovu til 6 ára gomul

• 1 serstovu, sum fevnir um alt dagstovnaøkið í Vága kommunu

Um starvið                                                                                                                       Sum námsfrøðingur í Miðgarði verður tú partur av einum fakliga sterkum og mennandi arbeiðsumhvørvi. Vit síggja okkum sum ein lærandi stovn, ið arbeiðir miðvíst og støðugt við at menna okkara námsfrøðiligu hugsan og praksis.

Vit leggja stóran dent á at skipa gerandisdagin soleiðis, at hann rúmar øllum børnum, heldur enn at børnini skulu tillaga seg skipanini. Grundarlagið undir okkara arbeiði er okkara virkisætlan, relatiónir og eitt barnasýn, har barnið og familjan eru í miðdeplinum.

Miðgarður er partur av trýára verkætlanini “Saman um barnið – Vitan í verki”, í samstarvi við aðrar stovnar og skúlar í Vágum, har dentur verður lagdur á at nýta nýggjastu vitanina í verki.

Vit vænta, at tú:                                                                                                               

• ert útbúgvin námsfrøðingur.

• ert nærverandi og dugir at skapa góðar og virðandi relasjónir við børn, foreldur og starvsfelagar.

• hevur eitt barnasýn og eina námsfrøðiliga hugsan, ið samsvarar við okkara virðisgrundarlag.

• hevur góð samstarvs- og samskiftisevnir.

• tekur ábyrgd og megnar at arbeiða sjálvstøðugt.

• hevur áhuga fyri at vera partur av einum lærandi stovni og ynskir at menna bæði teg sjálvan og stovnin fakliga.

Løn og setanarviðurskifti                                                                                    Arbeiðstíðin er millum kl. 7.15 og 16.30.
Løn og setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.

• Námsfrøðingar verða løntir sambært lønarstiga 11–24.

• Um útbúnir námsfrøðingar ikki søkja, kunnu hjálparfólk verða sett í fyribils starv.

Meira kunning                                                                                                              Meira fæst at vita um størvini við at seta seg í samband við leiðaran, Majbritt Poulsen, á tlf. 794 510.
Les meira um okkum á www.midgardur.fo og www.vaga.fo.

Umsókn                                                                                                                      Umsókn verður send við at klikkja á Søk nú á høgru síðu.
Umsóknin skal vera okkum í hendi í seinasta lagi 05. januar 2026.

Miðgarður leitar eftir námsfrøðingum, sum veruliga brenna fyri at arbeiða við børnum og at skapa eitt trygt, mennandi og vinarligt umhvørvi. Hevur áhuga fyri náttúruni og hugsar um, hvussu náttúran og nærvera í gerandisdegnum kunnu verða nýttar sum grundarlag fyri spæl, læring og relatiónum. Ynskir at vera við til at menna eitt umhvørvi, har børn trívast, kenna seg vird, fáa møguleika at mennast bæði sosialt, kensluliga og námsfrøðiliga – í einum gerandisdegi merktum av vinsemi og felagsskapi. So er hetta starvið fyri teg!

Vit søkja eftir námsfrøðingi til barnagarðstovu, at byrja sum skjótast og eftir námsfrøðingum at byrja hálvan novembur, ella eftir nærri avtalu.

Eisini søkja vit eftir avloysarum at byrja beinavegin.

Miðgarður er ein stórur og fjølbroyttur dagstovnur mitt í Miðvági. Vit hava 3 vøggustovur, 3 barnagarðstovur, eina stovu til 6 ára gomul og eina serstovu, sum fevnir um alt dagstovnaøkið í Vága kommunu.

Um starvið:

Sum námsfrøðingur í Miðgarði fært tú møguleikan at arbeiða í einum fakliga sterkum og mennandi umhvørvi. Vit síggja okkum sum ein lærandi stovn, ið støðugt arbeiðir við at menna okkara námsfrøðiligu hugsanir og praksis.

Í okkara arbeiði leggja vit stóran dent á at skipa dagligdagin soleiðis, at hann rúmar øllum børnum – heldur enn at børnini skulu tillaga seg skipanini. Grundarlagi undir okkara arbeiði er okkara virkisætlan, okkara relatiónir, og ein barnafatan, ið setur barnið og familjuna í miðdepilin.

Vit vænta at:

• Tú ert útbúgvin námsfrøðingur

• Tú ert nærverandi og dugir at skapa góðar relasjónir við børn, foreldur og starvsfelagar

• Tú hevur eitt barnasýn og eina námsfrøðiliga hugsan, ið samsvarar við okkara virðisgrundarlag

• Tú hevur góð samstarvs- og samskiftisevnir

• Tú tekur ábyrgd og megnar at arbeiða sjálvstøðugt

• Tú hevur hug at vera partur av einum lærandi stovni, og vil menna bæði teg sjálvan og stovnin fakliga

Okkara umhvørvi

Miðgarður er staðsettur í einum vøkrum og livandi náttúruøki, har fjøll, fjøra, viðarlund og áir eru okkara nærmastu grannar. Hetta gevur okkum serstakliga góðar møguleikar at brúka náttúruna sum ein virknan part av okkara námsfrøðiliga arbeiði.                 

Vit eru partur av 3 ára verkætlanini “Saman um barnið – Vitan í verki”, saman við øðrum stovnum og skúlum í Vágum, har vit leggja dent á at brúka nýggjastu vitanina í verki.

Løn og setanarviðurskifti

Arbeiðstíðin er millum kl. 7:15 og 17:00. Løn og setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.

• Námsfrøðingar verða løntir á lønarstiganum 11-24.

• Um námsfrøðingar ikki søkja, verða hjálparfólk sett í fyribils starv.

Meira at vita um størvini fæst við at ringja

Ring til leiðaran Majbritt Poulsen á tlf. 794510, ella vitja okkara heimasíður www.midgardur.fo og www.vaga.fo.

Umsókn

Søk starvið við at klikkja á Søk nú knappin á høgru síðu. Umsóknin skal vera okkum í hendi í seinasta lagi 1. oktober 2025.

Søkt verður eftir einum námsfrøðingi til eitt spennandi og fjølbroytt starv í frítíðarskúlanum. Talan er um eitt starv á 30 tímar um vikuna. Starvið verður sett 11. august 2025 ella skjótast møguligt eftir hettan. Møguleiki er fyri færri tímum um vikuna.

Um Smílikulluna

Í Smílikulluni leggja vit stóran dent á frítíðina og frælsið hjá barninum. Børnini eru við til at skapa og skipa teirra egna dag, tá skúladagurin er lokin. Í Smílikulluni ganga børn í 1. og 2. flokki í Vága kommunu og vit halda til í bygdaskúlanum í Miðvági.

Vit eru í gongd við at byggja upp fjølbroytt virksemi, við einari nýggjari framtíðar visjón. Endamálið er, at bjóða virksemi sum er mennandi, avbjóðandi, stuttligt, læruríkt, og sum er sigandi og ógloymandi.

Smílikullan liggur nær við fjøruna, sandin og viðarlundina. Vit hava fótbóltsvøll og stórt spælipláss í bygdini tætt við. Hetta gevur okkum ríkar møguleikar til nógvar spennandi avbjóðingar, bæði fyri børn og starvsfólk. Í Smílikulluni raðfesta vit verkstaðsarbeiði, og bjóða vit náttúru- og evningsverkstað, hondarbeiðsverkstað og eitt uttandura verkstað.

Vit vænta

• At tú ert við til at menna námsfrøðiliga arbeiði á stovninum, er kreativ/ur, og torir at hugsa nýtt

• At tú ert fleksibul, hevur eitt gott hugflog, dugir at hugsa í loysnum og hevur eina jaliga tilgongd til uppgávuna

• At tú hevur góð samstarvs- og samskiftisevnir, og megnar at virka fyri góðum samstarvi við børn, foreldur og starvsfelagar

• At tú megnar at arbeiða sjálvstøðugt, tekur ábyrgd og avgerðir, ið fremja barnsins bestu menning

• At tú hevur hug og áræði, at vera við til at skapa ein fjølbroyttan, stuttligan og tryggan gerandisdag, við virðing og umsorgan fyri einstaka barninum, foreldrum og starvsfeløgunum

• At tú hevur vitan og/ella áhuga fyri at læra viðkomandi amboðini og arbeiðshættirnar

• At tú hevur ein burðardyggan og náttúruvinarligan hugburð

• At tær dámar væl at vera úti og brúka rørslu og náttúruna sum námsfrøðiligt amboð

Vit kunnu bjóða tær

• Eitt fakligt mennandi starv á einum stovni í menning, við nýhugsan og nýggjari visjón

• Eitt spennandi og gott arbeiðsumhvørvi

• Eitt starv har tú kanst nýta tínar dygdir og hava ávirkan, samstundis sum tú mennir teg sjálva/n

• Eitt starv við ymiskum verkætlanum, ið er í tøttum samstarvi við aðrar myndugleikar á økinum

Løn og setanarviðurskifti

Arbeiðstíðin er vanliga millum kl. 11 - kl. 17:00 í Smílikulluni. 

Lønin er sambært sáttmála millum Føroya Pedagogfelag og Kommunala Arbeiðsgevarafelagið. Námsfrøðingar verða løntir á lønarstiganum 11-24 og hjálparfólk verða lønt á lønarstiganum 2- 8.

Um eingin námsfrøðingur søkir starvið, verður hjálparfólk sett í tíðaravmarkað starv.

Umsókn

Umsókn við prógvi, lívssøgu (CV), barnaváttan og møguligum viðmælum skal sendast í seinasta lagi fríggjadagi 11.07.2025, við at trýsta á SØK NÚ knappin.

Meira fæst at vita um starvið við at venda sær til Dinu Splidt leiðara, á tlf 794540 ella á við at skriva til dina@vaga.fo.

Hevur tú hjarta fyri børnunum og elskar tú at arbeiða í nærumhvørvi, har náttúra, nærvera og relasjónir eru í fremstu røð? So er hetta starvið fyri teg!

Vit søkja eftir námsfrøðingum til vøggustovur, barnagarðstovur og serstovu í Miðgarði, til at byrja tann 1. juli ella eftir nærri avtalu.

Miðgarður er ein stórur og fjølbroyttur dagstovnur mitt í Miðvági við uml. 108 børnum. Vit hava 3 vøggustovur, 3 barnagarðstovur, eina stovu til 6 ára gomul og eina serstovu, sum fevnir um alt dagstovnaøkið í Vága kommunu.

Um starvið

Sum námsfrøðingur í Miðgarði fært tú møguleikan at arbeiða í einum fakliga sterkum og mennandi umhvørvi. Vit síggja okkum sum ein lærandi stovn, ið støðugt arbeiðir við at menna okkara námsfrøðiligu hugsanir og praksis.

Í okkara arbeiði leggja vit stóran dent á at skipa dagligdagin soleiðis, at hann rúmar øllum børnum – heldur enn at børnini skulu tillaga seg skipanini. Hetta gera vit við at arbeiða út frá okkara virkisætlan, relasjónum, nærveru og einum barnasýni, ið setur barnið og familjuna í miðdepilin.

Vit vænta av tær:

• Tú ert útbúgvin námsfrøðingur

• Tú ert nærverandi og dugir at skapa góðar relasjónir við børn, foreldur og starvsfelagar

• Tú hevur eitt barnasýn og eina námsfrøðiliga hugsan, ið samsvarar við okkara virðisgrundarlag

• Tú hevur góð samstarvs- og samskiftisevnir

• Tú tekur ábyrgd og megnar at arbeiða sjálvstøðugt

• Tú hevur hug at vera partur av einum lærandi stovni, og vil menna bæði teg sjálvan og stovnin fakliga

Okkara umhvørvi

Miðgarður liggur í vøkrum og virknum náttúruumhvørvi við fjøllum, fjøru, viðarlund og áum sum okkara nærmastu grannum. Hetta gevur okkum serliga góðar møguleikar at nýta náttúruna sum part av okkara námsfrøðiliga arbeiði.

Vit eru partur av 3 ára verkætlanini “Saman um barnið – Vitan í verki”, saman við øðrum stovnum og skúlum í Vágum, har vit leggja dent á at brúka nýggjastu vitanina í verki.

Løn og setanarviðurskifti

Arbeiðstíðin er millum kl. 7:15 og 17:00. Løn og setanarviðurskifti eru sambært sáttmála millum Føroya Pedagogfelag og Kommunala Arbeiðsgevarafelagið.

• Námsfrøðingar verða løntir á lønarstiganum 11-24.

• Um námsfrøðingar ikki søkja, verða hjálparfólk sett í fyribils starv.

• Námsfrøðilesandi, sum verða liðug í summar, eru eisini vælkomin at søkja.

Meira at vita?

Ring til leiðaran Majbritt Poulsen á tlf. 794510, ella vitja okkara heimasíður www.midgardur.fo og www.vaga.fo.

Umsókn

Søk starvið við at klikkja á Søk nú á høgru síðu. Umsóknin skal vera okkum í hendi í seinasta lagi mánadagin 2. Juni 2025.